Вітаўт Чаропка нарадзіўся 21 жніўня 1961 г. у Менску. Працаваў у часопісах «Спадчына», «Хрысціянская думка», з 1994 — загадчык аддзелу ў часопісе «Беларуская мінуўшчына». Творчай працай займаецца з 1982. Першая публікацыя пабачыла сьвет у 1988. Аўтар шматлікіх артыкулаў па гісторыі Беларусі, гістарычнага раману «Храм бяз бога» (1992), кнігі гістарычных нарысаў «Гісторыя нашага імя» (1995) кнігі прозы «Перамога ценю» (1996). У кнігах «Імя ў летапісе» (1994) і «Уладары Вялікага княства» (1996) ўваскрашае панараму гістарычных падзей на Беларусі з X да XVII стст. і распавядае пра найболып знакамітых беларускіх дзеячаў гэтага часу.